Akmaklyk duzagy
Dietrich Bonhoefferiň äheňinde
Biziň, belli, akmaklyga,
halk saýlasa, çärämiz ýok,
millet gowy görse ony,
akyl-huşdan ýüz, müň esse,
peýda etmez oňa kyssa,
peýda etmez oňa goşgy,
delilleriň goý arkaňda,
mantyk däl-de manty bolsa
ulus iliň bar geregi,
iýsin, doýsun, görip bolma,
gazyn ýaksyn, mugt ahyry,
çyralaryn öçürmesin,
eçilýärkä baş aldajy,
suw ölçegsiz, içse, dökse,
aýtma oňa şum habary,
öldürmesin seni üýşüp,
besdir öňki öldürilen,
akmaklygy açyp, aýdyp
adamlaryň kimdigini,
nämedigin oýnatmagyň,
üýşüp bile, eliň çarpyp,
zaýalama sözüňi däl,
hatda sözüň ýeke harpyn...