Gykylyk duzagy

Sen özüňi gykylykdan,
galmagaldan çete çekseň,
çekip, çydap kemsitmäni,
şyltagyny şyltakçynyň,
gybatyny gybatçynyň,
töhmetini töhmetçiniň,
jogap berip sessiz diňe,
yza bakman, bakyp öňe,
ýene-de bir gykylykçyň,
galmagalçyň dogulmagyn,
gep bolmagyn boş, manysyz
gürrüňleri has ulaldyp,
togtadarsyň, duruzarsyň,
öz işiňe eliň ýeter,
hem bolmarsyň arly arsyz.