Surat

Sen ýurduňa gowy bolsaň...

Sen ýurduňa gowy bolsaň,
Ýurduňdan gidip bilmersiň;
Sen iliňe gowy bolsaň,
Ilden daşlaşyp bilmersiň.

Dogry, açyp bolar ara,
Galyp bolar uzaklarda,
Emma pikir-oýuň galar
Göbek ganyň daman ýerde.

Gowy bolsaň özüňe sen,
Gitmersiň özüňden, walla;
Adamzady ýaradanda
Düzüw etjek bolan alla...

Gowy bolsaň beýge eger,
Gitmersiň ugruna pesiň;
Ýaman üçin on-ýigrimi
Gözel ili ýigrenmersiň...

Bölüme soňky goşulanlar


Sahypadan alnan eserler ýa-da pikirler haýsydyr bir görnüşde metbugatda ulanylanda "annagurban.coma" salgylanmak hökmanydyr.

Any views or opinions expressed on this site belong to an individual and do not necessarily coincide with those of the organization he works for.


annagurban.com copyright © 2006-2019