"Gözli pahyr"

“Bir gözli diýmese: garadyr, akdyr,
Kör pahyr kümüşi, misi näbilsin?”
Magtymguly

Mesele-de şunda, şahyr,
Kör pahyr bilmez olary.
Ýöne gözli ýok ediler,
Görkezýär diýip şolary.

Ýa-da oňa görenini
“Görmedim, dat!” diýdirerler.
Kör pahyra gözli diýip,
Gözliň gözün iýdirerler.

Şeýdip gözli görenine
Ynanmasyn goýar ahyr;
Batyl bende başyn ýaýkap,
Diýer oňa: “Gözli pahyr!”