Adamyň tebigaty

Kitap ýazsa her kes özi hakynda,
Elbetde, öwüner, magtar özüni.
Şondan hudaý üşük beren her kime,
Terezä salmaga eşden sözüni.

Adam ýalňyşyny ýazmaz, görkezmez,
Gorkan, ürken ýerin ýaşyrar ýaman.
Nätsin, satjak öwmeli bor malyny,
Heýem öz atyňa diýlermi çaman?..

Heýem özün garalarmy adamzat,
“Jan gerekmi, pyçak?” diýmese biri?
Parhy bolmaz, samsyk ýa-da akylly,
Hoş söze ýa öwgä mätäç bor diri...