Ol bir begiň dowamydy

Ol bir begiň dowamydy,
Begligini aldy aga;
Ol bir baýyň dowamydy,
Baýlygyny aldy aga.

Ýeriň bary döwletiňki,
Suwuň bary döwletiňki;
Ata çykan agdaryldy,
Oturanyň agdy eňki.

Ozal Mekgäň duran ýerne,
Meskew geldi aňda şeýdip;
“Ýaşa Lenin, Kompartiýa!”
Telpekli il papak geýdi...

Ol bir begiň dowamydy,
Begligini aldy döwlet;
Ol bir baýyň dowamydy,
Baýlygyny aldy döwlet.

Bir usuly saklanmagyň,
Gygyrmaly gygyrmala:
Çaglarňa öwret, tabşyr,
Gygyrmasyn çala-mala.

Onsoň ogly, soň agtygy
Endik edindi ýalany;
Ol bir begiň dowamydy,
Gulçulyk miras alany...