Adamyň bagty

Adam, meger, sowulmagy bilmeli,
öwrenmeli öwrülmegi, göni däl,
girip gidip her tokaýa, her çöpe,
maňlaýyny urman daşa, diwara,
ýesir bolman her bir aýdylan gepe,
duşup ýolda il-gününden bizara,
belki, barýan ýerin, ugrun bilmeýän,
sapyr diläp, giňlik diläp adama,
gaharyny getirmejek bolmaly,
goramaly bedenini, beýnisin,
gitdigiçe egsik bolman, dolmaly,
düzetmeli üsti-başyn, geýnişin,
gymmadyn däl, dürsün saýlap lybasyň,
aýyplany aýyplaman gitmeli,
näme berer asa diýeniň asy,
adam, meger, sowulmagy bilmeli,
döwlüp däl-de, abat wagty, sag wagty,
uruşda däl, gykylykda däl asla,
giç bolmanka sowulmakda oň bagty.