Göribiň gaýgysy

Görip seniň niýetiňe sereder,
Päliňe sereder, ýagşymy, ýaman?
Göýdük bolsaň, beýle azar edinmez,
Emma ýüwrük bolsaň, etjek bor çaman.

Ir säherler mellegiňde açylan
Gyrmyz güle gara diýip gygyrar;
Ýöne görip diňe güli agyrtmaz,
Gülden beter ilki özi agyrar.

Diýseler bir iliň başynda nadan,
Ýa-da ýeri gaty, şondan kösenji.
Ynanma, göriplik gözün gapmasa,
Gedaý saklap bolmaz garryny, genji.

Päli düzüw adam, gowyny goldap,
Ilki öz-özüne ýagşylyk eder;
Bilýäňmi, bahylyň gara gaýgysyn?
Ýagşyň ýeňmeginden eder ol heder.