Nobatdaky şum habardan soň dörän goşgy

“Bir doganyň öldi awarýa bolup,
Beýlekisi hassa, ajal kastynda!”
Ajy habar parran geçýär içiňden,
Yraň atyp gidýäň aýak üstünde.

“O dostuň ýogaldy, beýlekisiniň
Ýanýoldaşy başgalady dünýäsin.
O pylany akylyndan azaşdy,
Duşsa gürrüň edýär täsinden-täsin...”

Ozal diňe urşa giden, ok degip,
Ýaralanýar ýa-da diýerdim ölýär.
Indi, meger, ýurtda galmak hatarly,
Biri-birisinden şum habar gelýär.