Sowatly millet

Olaryň alajy "ýok",
Çykalgasy "ýok" başga.
“Gowy bolar” diýilse,
Ynanypdyrlar başda.

Dogry, eli gelen bar,
Gönenen göwni, jany.
Emma tozan-darganyň
Agyrrak gelýär sany.

Ýöne agzyny açan
Çykýar has beter ýerden.
Herhal umyt ölmeýär:
“Ýaradan gorar şerden!”

Emma gorag gelmeýär,
Ýa-da gijigýär juda.
Haçana çen beýle bor,
Haçana çen bor çydap?

Kada, kanun gutardy,
Bagyrdyp basdy minnet.
Palça, bilgije çozýar
Bilim-sowatly millet...