Putine berlen maslahatlar

Biri diýýär: “Besdir indi,
Git taşla-da syýasaty.
Belli, häkimýet bir neşe,
Süpük bolma mundan gaty!”

Beýlekisi diýýär: “Seniň
Edip biljek gowy zadyň
Çekilmek bor saýlawlardan,
Çünki ogry boldy adyň!”

Üçünjisi diýýär: “Walla,
Çydadym men onki ýyllap;
Emma hiç zat üýtgemedi,
Irmediňmi ili aldap?”

Dördünjisi diýýär: “Uçgun
Aýlanmasyn diýseň oda,
Gyşyň gamyn iý öňünden,
Tapynjak bol ýyljak ada!”

Bäşinjisi diýýär: “Ilde
Tele debat, beýleki bar.
Kandidatlar öňe çykyp,
Açyk çekişmäge taýýar.

Emma bizde baş kandidat
On bäş ýyldyr gaçýan, tezýän...”
Yzyny ýazmaýyn: “Sizde
- Diýmesinler – azmy ezýän?”

()

Bölüme soňky goşulanlar


Sahypadan alnan eserler ýa-da pikirler haýsydyr bir görnüşde metbugatda ulanylanda "annagurban.coma" salgylanmak hökmanydyr.

Any views or opinions expressed on this site belong to an individual and do not necessarily coincide with those of the organization he works for.


annagurban.com copyright © 2006-2019