Gideniň aýdany

Sen mydama gowy bolup bilmersiň,
ýaranmarsyň hökümete hemişe,
başlyk bolsa boşuň boşy, gülmersiň,
gözüň, gaşyň güldürseň-de her işe,
her ýumşuna taýyndygyň görkezip,
dyza çöküp, gül berseň-de adama,
adam ysyn birçak ýitiren ýa-da
ozalynda sowuk eneden doglan,
ýa bilinden iline ýat erkegiň,
hiç ýeterlik bolmaz toba edeniň,
ýöne synan, ministr bol, häkim bol,
bu öz işiň, ýerin dolsaň gideniň.