Adyň aýdym bolsun

Durmuş seni orta çykaran bolsa,
umyt beren bolsa adyň, sözleriň,
gündizine gara basan millete,
görnen bolsa çyra bolup gözleriň,
diňe garyp ojagynyň başynda,
ýa-da daş işige çykyp aglaman,
türmede-de diňlän bolsa bendiler,
ýurtdan gaçyp çykyp, çalan sazyňy,
ne okuwy, ne işi bar, ezilýän,
ýene-de eziljek näçe ýaşasa,
iliň biri gözün dikse ýoluňa,
yhlas beren bolsaň azajyk hatda,
ýeňmeseň-de, gelmeseň-de ak atly,
ol obada, bu obada birleri,
adyňya gazasa, çykarman ýatdan,
ölseň, galsaň, zaýalama adyňy,
pese düşme pese düşenler bilen,
darkaş gurup tutulmadyk aýynyň,
ýa tilkiniň derisiniň üstünde,
öz-özüňi ýere sokma, masgara
menden näme parhy bardy diýmesin,
gülmesin, görkezme gaharyň, kinäň,
görkez seni saklan, ýaşadan zady,
göreş seni orta çykaran bolsa,
öleňde diýsinler aýdymdy ady.