2011-nji ýyl

Agdarlyşyk, öwrülişik,
Gurluşykmy, urluşykmy?
Atýan haýsy, ölýän haýsy,
Barlyşykmy, gyrlyşykmy?

Kim bir döwüm çörek üçin sergezdan,
Kim-kimleriň bagty ýatýar, dargaýar.
Kim ýurdundan gaçýar başyny alyp,
Kim-kimlere alkyş aýdýar, gargaýar.

Dünýe nirä barýar, nireden çykjak,
Çak urýan kän, emma kimse bilmeýär.
Bir diktator aşyk bolýar ak güle,
Beýlekisin jaýlaýarlar, ölmeýär...