Kelle hem papak

Gazana görä gapak,
Kellä görä papak bormuş.

Uly bolsa gapak, papak
Gaýnamazmyş gazan ýa-da
Gaçarmyşyn kelleden,
Muny bilmek üçin, belki,
Aşmaly däl elliden.

Eger kiçi bolsa gapak
Gaçarmyş gazan içine;
Papak bolsa ilmän kellä,
Gaýdar durarmyş kejiňe.

Gazana görä gapak,
Kellä görä papak bormuş.
Gapagy jebis bolmasa,
Gazan aňsat gaýnamazmyş.

Dogry, ody belent bolsa,
Ýa-da suwy az juda,
Gazan birden gaýnap, çogup,
Odun öçürer käte.

Şonda onuň gapagynyň
Uly, kiçi, manysy ýok.
Kellä görä papak bormuş,
Gara, goňur ýa-da ak...