Anonimem ýaşap bolýar

Anonimem ýaşap bolýar,
Sesiňi çykarman, geplemän asla,
Ýa-da başga at bilen,
Golsuz arza ýazan ýaly,
Ýazan bolup ýaşap bolýar ýalanyň;
Ýa ýüzüňe maska geýip,
Öý urup, dükan ýaryp,
Ertesi öz ýüzüň bilen
Ýylgyryp bolýar gizläp
Ogurlanyň, alanyň.

Anonimem ýaşap bolýar,
Ölübem bolýar tanalman,
Bilinmän gelen-gideniň
Bir obanyň çäginde,
Sessiz-selemsiz,
Gelenem bolsaň jägildäp...