Bilimiň manysy
Platonyň äheňinde
Öz çagaňa bilim bermek
başga zat däl öwretmekden
islemegi dogry zady,
ýaşyryp däl, aýdyp adyn,
düzüw zady bilmek, görmek,
bilim, meger, iň owadan,
görkezmek ýol, ýodalary,
dil öwretmek öz çagaňa,
öwretmek däl para berip,
dyrmaşmagy ýokarlaryk,
diňe hapa aýkgap däl,
kirlän ýürek bilen, belki,
öwretmeli olara biz
gyzyl çyra ýansa durup,
ýaşyl ýansa geçip ýoldan,
bilip nämäň geregini,
ýaşamagy adam ýaly,
sap atmagyň deregine.
Bu düýn, şu gün bolan zat däl,
has aňyrdan gelýän ýagy,
gije-gündiz özüň aldap,
ili aldap ýaşamagy
öwretmek däl bilim bermek,
belki, muny bes etmekdir,
goý, geçmesin şundan aňryk,
güýç ber diýip maňa, taňrym?!