Diňlemezlik problemasy

“Bir nadana aýdan sözüň, Ösüp giden batça bolmaz.” Magtymguly

Diňlemegi inkär edýän adama,
Düşünmegi inkär edýän adama,
Öwrenmegi inkär edýän adama,
Zat öwredip bilmersiň.

Sebäbi ol senden has ýokarlarda,
Belentde bir ýerde oturandyr ýa
Özüne has uly baha berýändir,
Ýa-da hiç kim aýdan däldir çynyny,
Tersine, “Ýer görmez seň ýaly merdi!”
Diýip ýerden üzendirler aýagny.

Diňlemegi inkär edýän adama,
Eşitmegi inkär edýän adama,
Bilmegi, görmegi, aňmagy ýa-da
Aňlajak bolmagy inkär edýäne,
Hem nöker tutýana nadandan süri,
Zat öwredip bilmersiň,
Ol özüni bir gün agzyna berer
Tahrir meýdanynda arlaýan barsyň...

()

Bölüme soňky goşulanlar


Sahypadan alnan eserler ýa-da pikirler haýsydyr bir görnüşde metbugatda ulanylanda "annagurban.coma" salgylanmak hökmanydyr.

Any views or opinions expressed on this site belong to an individual and do not necessarily coincide with those of the organization he works for.


annagurban.com copyright © 2006-2024