Gar erände

Gar eredi, ak ýorgany ýodalaň
Serpilen deý boldy üstünden birden.
Doňaklykdan gorkup, öýe baglanan
Goja goňşym gezim edip ýör irden.

“Gör-ä muny!” Hüňürdeýär gaharly,
Itleň hapasyna elini salgap.
“Heý, beýle-de biynsaplyk bolarmy,
Gar eränsoň aýbyň çykjag-a galgap...”

Üst-üstüne ýagan garda oýnaşyp,
Itler hem itliler hezil edipdir.
Gar ýokka ýygnaýan it hapasyny
Eýeleri alman, goýup gidipdir.

Ylgaýan ýodamda aýak basara
Tasdan tämiz ädim galmandyr baksam.
Goja goňşym hüňürdeýär: “Adammyş,
Hapasyn atjak däl, bes diýjek buksam...”

()

Bölüme soňky goşulanlar


Sahypadan alnan eserler ýa-da pikirler haýsydyr bir görnüşde metbugatda ulanylanda "annagurban.coma" salgylanmak hökmanydyr.

Any views or opinions expressed on this site belong to an individual and do not necessarily coincide with those of the organization he works for.


annagurban.com copyright © 2006-2019