Gorkynyň ajala peýdasy ýokmuş

O gün bir şum habar eşitdim, tanşym
Hajathana girip, çykmandyr esli.
Agtygy barypdyr. Görse atasy
Gözlerin ýumupdyr, nepesi keslip...

Gynandym. O tanşym ilkiler öýe
Kän gelerdi işim, wezipäm barka.
Ýönä türmä düşüp, çykamdan soňra
Köçede görmedik bolupdy gorkup.

“Gorkynyň ajala peýdasy ýokmuş.”
Muny türk tanşym ýanjardy irmän.
Eger gorkan aman galmaly bolsa,
Ezraýyl köpleri geçirdi görmän...