Ogry bilen ýalançy

Uly ogry bezäp çykýar boýuny,
Aç milleti ýoldan kowýarlar daşa.
Ýene-de ýalançy gordurýar atyn,
Ýene çynçy otyr ýeňsesin gaşap.

Uly ogry muňa ýylgyrýar ýeser,
“Diýmedimmi?” diýýän ýaly içinden.
Ýöne ol ynjalyp bilmeýär ýene,
Ünjüsi bar ertir etjek göçünden.

Bu oýun, alaç ýok, göçmeli öňe,
Pyýada ýol bermek howply, hatar.
Hem bilýär ýalançy gyssansa çala,
Ile gezek bermän öňürti satar...