Altyn bolsaň

Altyn bolsaň tokga, lowurdap ýatan,
Gün nuruna öwşün atyp müň dürli.
Peýdasy ýok seni görmese kimse,
Ýa ýapyk dükanda ýatsaň möhürli,
Ýedi gulp astynda ýetmiş ýyl çykman,
Öz-özüňe göwünlik ber azajyk:
“Altyn bolsaň, bolar göteren hökman!”

Ýöne altyn bolsaň, özüňem bilseň,
Näçe gömseler-de, batmanyň hapa;
Göterdiler näme, götermediler,--
Ýat ýatan ýeriňde göz dikmän gapa.