Namartlyk

Ýene düýşde Köpetdaga dyrmaşdym.
Ozalam bolupdy şeýle ahwalat.
Ýene daşdan, agaçlardan ýapyşdym,
Ýene-de gygyrdym: “Galat, sen, galat!”

Köpetdag bu sözi alyp göterdi,
Gaýtalady ýaňlandyryp çar ýany.
Ýene diýdim şeýdip aýdan sözüme,
Bir adam bir ýaksa, agyrtsa jany.

Soňra dagdan düşdüm, aşakda çeşme
Akyp ýatyr şol öňki deý şildiräp.
Aýagymy sokup oturdym suwa,
Gözüm ýumsam akyp gitjekdim eräp...

“Sen gitmeli!” diýip, duýdurdy biri.
“Ýok, gitjek däl” diýip gygyrdym başda.
Soň ýene baş alyp gaçdym watandan,
Hamala dirilik bar ýaly daşda...

()

Bölüme soňky goşulanlar


Sahypadan alnan eserler ýa-da pikirler haýsydyr bir görnüşde metbugatda ulanylanda "annagurban.coma" salgylanmak hökmanydyr.

Any views or opinions expressed on this site belong to an individual and do not necessarily coincide with those of the organization he works for.


annagurban.com copyright © 2006-2019