Diwan batyry

Ýok, gykylyk syýasat däl,
syýasat däl galmagal-da,
bokurdaga bat berip kän,
haýkyrmak däl syýsat, dost,
bagyrmak däl, wägirmek däl,
gorkuzmak däl kimdir birin,
haýbat atyp, ol ederin,
bu ederin, bardym-bardym,
barmak ilki barjak ýerňe,
gelmek ilki geljek ýerňe,
ýa görkezmek geljegiňi,
söz bilen däl, işiň bilen,
gataltdykça sesiňi sen,
göreşýän dek düýşüň bilen,
öz sepiňi açarsyň, han,
başga ýagy dursun daşda,
özüňden-de gaçarsyň sen.