Soňky pelle

Eli ýetse, şarpyk çalýan, daş salýan,
dili ýetse pürkýän awy-zäherin,
o çetinde ýaşasa-da şäheriň,
dag, derýa däl, umman bolsun arada,
azap eder, yhlas eder, çydamaz,
görer sende görjek zadyn özüniň,
görer onda görjek zadyn özüniň,
hudaý kimsä çeýnäp bermez iýjegin,
dişi bolsa ýa bolmasa, parhy ýok,
gepe gitsin, ýa gitmesin, kejeňek,
açar özün diýip ähli diýjegin,
iň esasy at gazansa bolany,
gaýgy etmez düşjek, bişjegiň tabyn,
hak aýdylan, walla, soňky pellesi -
watançylyk ýüzi ýyrtyk kezzabyň.