Gowak adamy

Öz-özüni gowak eden biçäre,
sowuk gowak, ýylysy ýok bir jinnek,
öz-özüne sümüp giden biçäre,
ne özüni, ne başgany ýyladar,
ne giňelder seniň daralan dünýäň,
garaşma sen, baryp, gatnap ýanyna,
ýa-da durup gowagynyň agzynda,
içinde ýok odun, suwy, duz, tagam,
diýýän zadyn diýýän däldir, ynanma,
diýsin inim, diýsin dogan, jan agam,
öz-özünmi gowak eden biçäre,
öz-özüne sümüp giden biçäre,
ýolda ýoldaş bolmaz, gideli diýseň,
müň bahana, delil tapar, hemra bor,
diňe dyza çöküp, özüňi iýseň.