Tobasyz halk
M.Myratla
Aýlandyk biz oba-oba,
adam çykýan öý-işigiň
gapysyny kakyp assa,
diýdik: Şu gün galkynmasak,
bolup galýas ertir hassa!
Diýdiler: Ýok, garaşalyň,
düzelmezmi öz-özünden,
gowy bolar, belki, soňy,
birki ýyldan, ýa bu ölse,
gowuragy gelip ýerne,
olar, göýä, bişen gawun,
a biz entek türşek, terne.
Belki, bardyr, bolar ýene
aýlanýanlar oba-oba,
ýöne şindem garaşalyň
diýýän köplük, etmän toba,
üstesine hajy boljak,
ýolup bilse, ýoljak, aljak.