Nowruzdan soňky oýlanma

Köpi gören ak sakgally gojalar,
ak gyňaç eneler, mährem ejeler,
göze doly, baýdak ýaly gelinler,
gyzyl-ýaşyl ketenili gözeller,
ýa ýigitler bedew ata atlanan,
gupbalyja, tahýalyja çagalar –
gowu-la bular.

Aýdym-saz gowu-la,
gowu-la toýlar,
gowu-la türkmeniň ala köpegi,
düýeýüň saçagy, tamdyr çöregi.
Türkmen gyzyl açdyr şular bolmasa,
bal bolsa-da gije-gündiz höregi.

Ýöne ýaman bular ýalanyň ýa-da
ýamanyň ýüzüni örtmäge perde,
ýaşyrmaga ýapgy ediljek bolsa,
çydamak kyn maňa bu agyr derde...

()

Bölüme soňky goşulanlar


Sahypadan alnan eserler ýa-da pikirler haýsydyr bir görnüşde metbugatda ulanylanda "annagurban.coma" salgylanmak hökmanydyr.

Any views or opinions expressed on this site belong to an individual and do not necessarily coincide with those of the organization he works for.


annagurban.com copyright © 2006-2019