Tikenli sim

Tikenli simi gysymlap,
gyrjak bolup dyrjaşsaň,
tiken eliňi dilip,
ýüregiňe sanjylar:
“Çek – diýip – yza eliň!”

Tikenli simden egilip,
seresap boup geçseň,
ýa-da aýlansaň daşdan,
ol seniň eliňi, aýaňy böwsüp,
papagyňy guma gaçyrmaz başdan.

Şondan ony gyrjak bolýan az indi,
gerek bolsa durup, sütün bolýan köp.
Tikenli sim deň garaýar adama,
garamy-ak, aýal-erkek, baý-garyp,
gowy görýär sütün bolsa ýadaman,
ýöne gaçsaň el-aýagyň agyryp,
ýa-da gyrjak bolsaň aslyşyp, dartyp,
tikenli sim seni persala eder,
çem gelen ýeriňden sünjülip, batyp...