Türk nakyly

Tokaý barha kiçelýärdi,
çüpreýärdi ýylba-ýyldan,
çapylansoň agaçlaryň
iň irisi, daýawlary,
gowularyn saýlap başda,
ösen durman hiç darkaşda,
emma dözüp, ýa-da dözmän,
baglar ýene ses berýärdi
palta bege yzyn üzmän,
ýa dymýardy agyr, uzak,
gelejege gurup duzak,
näçe çapsa, ýumursa-da,
ýok etse-de gowulary,
guwanylan daşdan görüp,
sebäbi ol akyllydy,
ýa görýärdi öňden örän,
ynanýardy baglar oňa,
ýa ynanmak isleýärdi,
öňden gelýän däbe görä,
çünki sapy agaçdandy,
birindendi özleriniň,
kesä çekiň ýa-da çekmäň,
öz işiňiz, sözlerimi.