Baş bilim

Bilmeýäniň bilmek baş bilim, belki.
Bilmeýäniň bilmeseň kyn,
bilmeýäniň bilinýänin,
görülýänin, gülünýänin
aňmasaň kyn, görmeseň kyn,
bilmäýniň gürleseň kyn.

Bilmeýäniň bilmek baş bilim, belki.
Bilmeýänin bildirmeýän,
bilýän bolup gürleseň kyn,
durmalyda durmasaň kyn,
barmalyňa barmasaň kyn.

Bilmeýäniň bilmek baş bilim, belki.
Bilmeýäniň bilmek bilen,
meger, başlanýandyr durmuş;
bilmeýäniň bilmän ýörseň,
ýa biljek bolmasaň asla,
nämä gerek başga gargyş?