Pikir meselesi

Pikiri bolmasa, ezilýän adam,
ezýäniň sözüne ynanar, dogry,
ýa ynanan bolar, alaçsyz, ýadap,
mümkin bolsa bolar azajyk ogry,
ýa ulurak, ýetdirýänçä yzyndan,
kim boýuna, kim batgada dyzyndan.

Pikiri bolmasa, öwüner adam,
men sowatly diýer, bisowat bolsa,
men okuwly diýer, okuwsyz bolsa,
kitap gatyn açman, Eflatun bolar,
hiç ýetmedik derejesin mazamlar,
görünýänin görmez açyk ýeriniň,
parlar pahyr aram-aram gerinip,
başy çykýan bolan bolar dünýäden,
pikiri bolmasa, kyn bolar ile,
nogta salyp ider öňýeten gedem.