Tapawut

Papak geýip ýalan sözleýän bilen
selleli ýalançyň tapawudy nä?
Sakgally hem donly ýaranjaň bilen
penjekli çemeçiň tapawudy nä?

Tapawudy näme türmede ölen
hem indi ölmeli iki ogrynyň?
O birini ses-sedasyz jaýlarlar,
beýlekisi donun geýer dogrynyň.

Tapawudy näme, atly galtaman,
maşynly, uçarly, tankly ýa-da?
Birisi gyssanmaç, gorkuly çapar,
beýleki çapmagy öwürer kada...