Meniň galybym

Sen meni galyba gapgarjak bolýaň,
eýi ýeten toýun palçyk mysaly.
Onsoň guýjäk öz diýýänje kerpijin,
üst-üstüne goýup, öreriň ýaly...

Sen meni özüňe meňzetjek bolýaň,
bolmanda deňiňde saklajak basyp.
A men bir kakabaş, aglaýan, gülýän,
hem aňyrrak süýşýän ýüzümi asyp.

Sen maňa daş zyňýaň, hem kesek zyňýaň,
käsi ýetýär, käsi pytraýar ýolda.
Ýöne men galyba girmejek bolýan,
bulam özboluşly galyp her halda...