Men ýurdumy köp küýsedim
Sowuk ýeller ösýär munda,
ýogsa güneş gülýär ýüzňe.
Megerem men çogly Günüm
söýdüm aşa düşüp üzňe...
Çeh goňşym ýylgyryp diýýär:
“Çydar ýaly däl bu yssa!”
Men diýýärin: “Hasam gyzsyn,
sebäp Günsüz boldum hassa.”
Ýagyş ýagsa ýüzi gülýän,
arçalarym ejizleýär.
Men olary suwarýaryn,
emma olar hiç doýmaýar.
A men doýamok Güneşden,
öň ýanyp bolsamam kişde.
Men ýurdumy köp küýsedim,
sebäp gidýän diňe düýşde...