Eýran-Turan betbagtçylygy

Sesi ogurlanan halk
“Sesim nirde?” diýip sorasa bozgak,
bulagaý bolýar.

Ony taýak bilen urýarlar ilki,
gaty gitse, tüpeň bilen atýarlar;
tussag, ýesir ýaly tutýarlar halky,
il bähbidin iki şaýa satýarlar.

Iň ýokaryk çykan iň uly ogry,
muny hemme bilýär, çünki gizlin däl.
Soň uly ogrular şoň gyzy, ogly,
dogan-garyndaşy geýýär ýüpek şal...

Içki ýaralary ganaýar iliň,
ýalan sandan doýgun, emma garny aç.
Ýokardan bellenen çapýar milleti,
işli-işsiz galýar garyp hem gallaç.

Emma sesi ogurlanan
“Sesim nirde?” diýip sorasa bozgak,
bulagaý bolýar.
Şeýdip Eýran, Turan yza zyňylýar.

()

Bölüme soňky goşulanlar


Sahypadan alnan eserler ýa-da pikirler haýsydyr bir görnüşde metbugatda ulanylanda "annagurban.coma" salgylanmak hökmanydyr.

Any views or opinions expressed on this site belong to an individual and do not necessarily coincide with those of the organization he works for.


annagurban.com copyright © 2006-2019