Garalawçy zerurlygy

Seniň garalawçyň hemişe bolar,
aýlyk alsyn ýa almasyn döwletden,
nirede bol, näme işle, işleme,
partiýa gir ýa-da girme hiç haçan,
pursat ara, dişli bolsa dişleme,
ýa dişsiziň dişini döw assyryn,
ýagşy-ýaman bir derege ýarasaň,
tapylar ol nirä barsaň ýanyňda,
emmaki aklawçy tapylmaz mydam,
ýa bolsa-da duzuň iýip,
hakyn alyp çekiler ol,
çekiner ol baksaň siňe,
muny giç däl, irräk bileniň gowy,
aklawçy däl, garalawçy ders berer,
tiziräk sapagna geleniň gowy.