Alla we bendesi

O birleri otyr haka ýalbaryp,
iki sözden biri biribar, alla,
özüň ýetir, özüň getir, ber diýip,
gora diýip gözi gyzyl dünýeden,
adamlardan doýmaz-dolmaz;
beýlekiler gije-gündiz ylgaýar,
ýa ylgajak bolýar bolsa, bolmasa,
dogry ýa-da egri ýoldan,
diýip hökman bolar bolmaz,
hatda agzy gum garbanda ýykylyp,
allany çagyryp, ýerinden galýar,
öňe süýşjek bolýar soňuna çenli,
kime näme berýär, bermeýär alla,
siňe baksaň, görse bolýar.