Kiçijik adamlar

Olar diýýär "biz bir kiçijik adam,
elimizden näme gelýär,
kim diňleýär derdimizi sözlesek?"
Hem dymýarlar balyk ýaly,
agzy suwdan doly mydam,
a gürletseň, ynanýarlar hudaýa,
onuň birne berýänine mal-döwlet,
beýlekini goýup ýetde-de-gütde,
diýmek, özleri däl, hudaý günäkär,
ýaradypdyr ejiz, egsik ýa kiçi,
ýa ynanmsyz edip özün özüne,
belki-de özünden kiçi, ýalançy,
ýüzi galyň adamlara gul bolmak,
gyrnak bolmak üçin ömür,
hyzmat etmek üçin toý-meýlisinde,
hudaý berip, baý bolanyň çen-çaksyz,
men "kiçijik" diýse, kiçi bor adam,
tanaýandyr özün hem däldir haksyz.