Tötänlik däl

Bolan zada tötänlik
diýip boljak däldi, meger.
Çünki her kes akyllydy,
köp bilýärdi bilmesizi,
(sowetlerden galan kesel),
bilmelini az bilip,
ýa-da inkär edip düýpden,
almalydy eliň ýeten ýerinden,
diliň ýeten ýerinden,
bolşewigiň sapak-dersi,
bir-birege çukur gazyp,
bir-biregi basyp aşak,
ölmelidi uzak ýaşap.

Tötänlik däl, meger, adam
doýrup bilmän doýa garnyn,
bir-birini gemirse aç,
galjak bolup ýokarlaryk,
soň türmede ölse gallaç.