Çüňkdäki howp

Ýeňsesini çüňke dirände çaga,
düşüner gidere, gaçara ýok ýer,
käbiri goranar diş-dyrnak bolup,
biri aglar, biri güler alaçsyz,
diýer indi gaýtalaman,
garagolluk etmen beýle,
emma ýeňsesini çüňke dirände,
mysal üçin, syýasatçy ýa dellal,
bir ýurdy çökeren talap,
gedaý goýan ulus ili,
pikir etme oglan ýaly bolsa-da,
görünse-de kemakyl ýa bihepbe,
çaga ýaly tabyn bolar ap-aňsat,
sen betere garaş ondan gün-günden,
täzelik däl, bu köneden gelýän zat.