Adam bolmak egilmek däl

Ozal garyp bolup, soňra baýan är,
ýöne-möne garyp däl,
sowet garyby bolan,
atyndan düşürilen urlup,
eşek tapman ýurtda galan
atasynyň dowamy,
tigir münüp, tigirlenen,
birden baý bolsa näder,
maşynlary hatar-hatar,
aýal, oýnaş müňe ýeter,
Süleýman kim, nämemiş,
tagty asmandan uçan,
geň görme hiç zady ozal
don geýmedik ýigitden
ädimini ýalňyşsa,
ýöne ony ýüzüňden
çykalga däl ýöretmek,
ozal-ahyr hiç çykalga bolmady
üstüňe ýorgan däl, aýakgap örtmek,
adam bolmak egilmek däl,
ýaşamak däl başyň egip,
ýa ýatmak däl kim-kimleriň
aşagynda gözüň ýumup,
galdyrmak ol öz-özüňi ýokaryk,
ýa ýok bolsaň öz-özüňi döretmek.