Adalat we sen

Adalat nähili gerek zat eken,
gör, nähili zerur eken kanunlar,
ýagşy-ýaman ýazylan,
bir ýerlerden göçürilip, ýülmelip,
ýerli şerte salyp biraz,
diýdirmek üçin gowy,
emma adam kanunlara
köwşüni süpürýän wagty
kim-kimlere daýanyp,
geregi ýok oňa kadaň,
kanun gerek bolýar diňe
gaty gyssananda adam.

Sebäbi ol sud-soragsyz,
ýa-da urlup, ýenjilip,
aç hem suwsuz, kemsidilip,
oturmagy halamaýar,
halamaýar ölmegi
hapa ýerde, dar ýerde,
ozal sözden çekip perde,
goran bolsa-da özi,
gurulýarka bu türme,
gazylýarka bu zyndan,
adalat nähili gerek zat eken,
gör, nähili zerur ekeni gerçek,
emmaki kim ony getirip berjek?