Başarnyk

Pikir etme gul bolýanlar meýletin
ezijiniň aýagyna ýykylyp,
başarmaýar hiç bir zat,
ýok, olar başarýar örän köp işi,
biri baryp adam satýar çalasyn,
başga biri pikir etmänkä entek,
beýlekisi düşek bolýar indiki
ezijä däl, dalaşgäre gyssanmaç,
birden başlyk bolsa, giç bolar diýip,
pikir etme gul bolýanyň dişi ýok,
ol ýetişer awçy awa çykmanka,
tutmadyk guşuny iýip.