Söweşmeýäniň bagty

Uruş seniň doglan günüň başlanýar,
başlanýar ol aglap gelen pursadyň,
ýa ondan hem irräk başlanýar söweş,
gep aslynda uruşda däl hiç haçan,
seniň oňa gatnaşygyň esasy,
baş mesele, belki, mydam,
birleri söweşýär başdan soňa çen,
beýlekiler garaşýarlar
başgalaryň ýeňerine,
elbetde, özleri üçin,
özleri üçin däl söweşýänleriň,
gan dökýäniň şere garşy dik durup,
söweşmeýän bagtly bolýar hemişe,
iň aljyran wagtyň arkaňdan urup.