Bir tapawut

Kim girende näme seniň jübiňe,
kim uranda näme seniň öýüňi,
doganyň ýa doganoglan, dolanan,
ýegeniň ýa daýyň jan ýaly ýakyn,
obadaş ýa şäherdeş,
ýa tiredeş, jany bir,
ýa milletdeş, gany bir,
ýa arkadaş, dini bir,
üstesine dili bir,
ýa-da dili başgarak,
emma dini birmeňzeş,
ýa-da dini başga düýpden,
kim salanda näme aýagňna badak,
ýa-da aldap, alyp gaçsa geljegiň,
bularyň hiç haçan tapawudy ýok,
bir tapawut seniň özüňde diňe,
garşysyna galýaň ýa-da galaňok.