Milli pensiýa

Ýazyjy Nargylyç Hojageldä bagyşlanýar.

Kollektiwde bir, ýeke-täk sylaýan
halypaňy, ýaşy ýetip-ýetmänkä,
gyssanyp pensiýa çykarsa döwlet,
pikirinden gorkup, sözünden gorkup,
ile-güne kast etmeli bolanda
gözsüz batyr hemişe,
gynanarsyň, elbetde,
basar seni endişe.

Sebäbi döwletden başga
iş beriji, aýlyk berýän tapylmaz,
açyk gapy syýasatyn ýöredip,
aldygyna gapy ýapýan ülkede,
duşman bilip kölegesin,
emma bu belanyň bary däl eken,
ýary eken düşünseň,
soňabaka uly, kiçi,
gundagdaky çaga çenli aglaman,
emme diýmän boljak eken saklanjak,
birden aýtmasyzy aýtmakdan gorkup,
öz-özüne dynç alyşa
çykjak eken tutuş millet,
öz-özün itekläp içine gorpuň.

Bölüme soňky goşulanlar


Sahypadan alnan eserler ýa-da pikirler haýsydyr bir görnüşde metbugatda ulanylanda "annagurban.coma" salgylanmak hökmanydyr.

Any views or opinions expressed on this site belong to an individual and do not necessarily coincide with those of the organization he works for.


annagurban.com copyright © 2006-2024