Boýun almasy agyr düşen reallyk

"Çekişmän bekişmez" diýipdir türkmen,
ýa-da bir akyllyň tapan sözi bu,
çekişdirjek bolup ilini, belki,
bekişdirjek bolup ilini, belki,
emma türkmen erkinlige çykanda,
demir tuty syrylyp,
bar bolanja çekişme-de ýapyldy,
gapyldy milletiň agzy,
diýmez ýaly derdini hiç,
dykdylar agzyny diýjek bolanyň,
a indi diý, diýme, ýalňyşýan, belki,
bojak ýaly otuz ýyl giç.