Milletiň meselesi

Milletiň öňünde mesele bolsa,
hökmän çözülmeli ertir, birigün,
çözülmese bolmajak hiç,
çözülmeli ir ýa-da giç,
aňsadyna bakyp ony,
çözüp bolmaz telpek bilen,
kömek etmez ataň dony,
gyňaç bilen ak, seçekli,
tahýa bilen üstesine,
ölä, dirä geýdirseň-de,
meseläni çözmez başgap,
ýa aýakgap ýalpyldaýan,
Rimde tikilen elin,
ýere-göge düşeseň-de,
çözmez haly meseläni,
gulçulykda dokalan täk,
alaja çözmez mesele,
kim işse-de bolmaz peýda,
at-da çözmez ony gelip,
it-de çözmez çigşen düwni,
adam çözer, bolsa eger,
kellesi bolsa işleýän,
dişi bolsa, mugt çörek däl,
meseläni dişleýän.