KGB-niň ýigitleri

KGB-de işleýärdi,
ak köýnekli goç ýigitler,
temekleri ýokarydy,
ýerindedi keýpleri,
gülen bolup iki-ýeke,
ilim-günüm diýýäne,
Garagumyň gurdydylar,
özlerçe, elbetde,
bizi geçi etjekdiler,
bizi goýun etjekdiler,
sürjekdiler gorpa, gaýa,
"Bas!" diýilse, Jeepli gelip,
kimi gitdi, geldi türmede ölüp
kimi galdy iş ýerinde çalajan,
iň ýokarky aňy agta aňalyp...